Ersada Desken Tinali Siipiu Telu ( Entrepreneurship: Kerjasama / Mbangun Jaringen IT Ras Online ) - Bahan PJJ 29 September - 5 Oktober 2019


Bahan Bimbingen Perpulungen Jabu-Jabu 29 September - 5 Oktober 2019
Entrepreneurship: Kerjasama / Mbangun Jaringen IT Ras Online )

Ogen : Pengerana 4: 8 - 12
8. Lit kalak nggeluh sisada-sisada, la lit anak la lit seninana. Tapi aminna bage pe, latih kal iakapna erdahin dingen la pernah puas pusuhna ngenen ertana. Guna ise kin ia erdahin alu curcur panasna, janah itulakna kerina kesenangen? E pe sia-sia nge, dingen kalak si bage me si nggeluh i bas kiniseran.
9. Ulin dua kalak asangken sekalak-sekalak, sabap adi dua kalak erdahin mbelang bekasna.
10. Kune sekalak guling banci sekalak nari nampati. Tapi sisada-sisada ngenca, kenca guling ise nari si nampatisa.
11. I bas berngi paksa mbergeh dua kalak si rembak medem banci mereken las man si debanna, tapi uga perbahan kalak erbahanca melas badanna adi ia sisada ngenca?
12. Dua kalak erdalan banci ia ras-ras ngelawan adi lit si nerang ia, tapi adi sekalak ngenca melukah nalukenca. Tinali si ipiuh telu mesera ngeretapkenca.
13-14. Kalak musil banci jadi raja, janah sekalak tabanen banci nangkih ku das kinirajan. Tapi adi kenca metua raja e la nggit ngaloken ajar perban motuna, maka la ia ulin asangken sekalak anak perana si musil tapi pentar.
15. Rukur aku kerna kerina manusia i bas doni enda, jenari kueteh maka lit nge sekalak anak perana si nggantiken raja pagi.
16. Banci jadi maka la terbeligai teremna rayat si iperentah raja, tapi kune ia lanai jadi raja labo lit sekalak pe si ngataken bujur kerna kai si enggo ilakokenna. E maka kerina nge sia-sia desken nangkap angin.
I bas perkembangen jaman enda, kususna "teknologi informasi" erbage-bage alat komunikasi, umpamana: Facebook, Twitter, google+, lnstagram, pinterest, BBM, Line, WhatsApp ras sidebanna tuhu-tuhu mesegu kalak makesa paksa enda. Subuk danak-danak bagepe kalak dewasa. Nterem gundari kalak erdahin make teknologi komunikasi enda. Amin gia la sitik dampak teknologi ( media sosial ) si la mehuli. Enterem jelma enggo jadi bagin i bas persadan ( komunitas kelompok / group) si biakna bisnis, kiniteken ( keagamaan ) ras sidebanna. Arah persadan enda banci radu mpeseh berita ( informasi ) kerna kesehaten ras lingkungen, pendahin ( lowongen kerja ), bisnis, teman geluh ( jodoh ), naksiken kiniteken ras sidebanna.

Bahan PJJnta enda ngingetken maka nggeluh sisada-sisada la kepe mehuli. I bas kegeluhen enda perlu teman, perlu lit kiniersadan ras kalak si deban. I bas persadan e gunana lako mpegegehi ras nampati labo guna ndarami si man cekuraken ntah pe nuriken berita-berita si la tuhu (hoax).

I bas ayat 8 ituriken kerna penggejapen kalak si nggeluh sisada-sisada. Sue ras pengidah sinuratken kitap Pengerana enda maka kalak si bage i bas pusuhna lit kelungunen. Ituriken pe ije maka lit kalak si nggeluh sisada-sisada, la lit anakna, la lit seninana. Aminna pe ije la ikataken la lit ndeharana, la lit kade-kadena. Engkai maka bage? Sabap i bas budaya paksa e si ngalo tading-tadingen eme anak-anakna ntahpe seninana. Kinatana paksa sie enterem jelma mbue ertana erkiteken ketutusenna erdahin. Ituriken pe ije maka erdahin ia alu curcur panasna, janah itulakna kerina kesenangen.

Adi bage, kai hubungenna nggeluh sisada-sisada ras latih  kal akapna dahin dingen la pernah puas pusuhna ngenen ertana? Adi si perdiateken ogen enda turah pengangkan maka erkiteken kalak nggeluh sisada-sisada mahanca mbue waktuna erdahin enda seh maka melala erta si ipepulungna.Tapi banci ka erkiteken kalak enda nggeluh sisada-sisada rusaha ia ndarami keriahen i bas erdahin ras pepulung erta. Iakapna alu erdahin pepulung erta si melala banci meneken kelungunen i bas pusuhna.Tapi kinatana, kerina e nambahi kelungunen si mpeturah penungkunen i bas sora pusuh si mbages nari: "guna isekin kerina e adi ia mate"? Payo tuhu maka kebayaken labo banci nggantiken nilai kiniersadan. Em sababna i bas ayat 9 ikataken "ulin dua kalak asangken sekalak-sekalak....". Bagin ayat 9 enda pe labo penekanenna kubas "kuantitas" ntah pe ulih erdahin ( mbelang bekas ), tapi persadan si mehuli si maba kemalemen ate ija reh teremna kalak si ngukuri ras ndahiken dahin e tentu reh ulina ulihna. Kegeluhenta pe erguna man kalak si deban. Kebalikenna ras kalak si enggeluh sisada-sisada ndai sipepulung ertana guna dirina jine.

Tole ituriken i bas ayat 10-12a kerna "upah yang baik...", ntah pe ulih adi lit teman, eme: kune guling banci sekalak nampati, i bas paksa mbergeh banci mereken las man sidebanna, reh ngasupna ngelawan adi lit kalak si nerang. Adi dua kalak saja enggo mbelin ulihna apai ka telu kalak, bageme seterusna penekanen Pengerana i bas nutup ayat 12b: "tinali si ipiuh telu mesera ngeretapkenca".

Situhuna, tantangna nari Dibata enggo netapken manusia nggeluh erteman, bagi si singetken i bas Kejadin 2:18. Dibata nepa manusia gelahna serta i bas ngkuhi ras nampati. Emaka hubungen kiniersadan amin gia lit perbedan arusna reh gegehna i bas kalak Kristen, sabab palas si mpersadaken kita eme Jesus Kristus. Kerina kita ersada dua ersenina ras erturang amin gia pelain-lain turi-turin geluhta. Kita bagin keluarga Dibata. Erkiteken sie, enterem teman eme hal si perlu i bas ndalani kegeluhen enda. Lit ka pe kuan-kuan nina: enterem teman eme kinibayaken. janah i bas jamanta genduari enda, teman e lanai saja kalak si ndeher, tapi teman i bas "dunia maya," Enda banci ilakoken arah telepon, HP, "video call",

banci kita er-"komunikasi", sitatapen, nuriken isi pusuh janah ban nampati amin gia pedauh-dauh. ci Sue ras tema-nta "ersada desken tinali siipiuh telu" njemba k. uga pentingna mbangun kiniersadan i bas erti pertemar 4 "meningkatekbih "membangun jejaring sosial" ntah pe hubungen ras nterem je:n, bas jaman "teknologi informasi" enda, sipakelah guna kiniulin a ahl ekon n-,' an erbahan persadan bage pe ngembangken usahanta. Teri r sehubungen ras sasaren tahun program 2019 eme jiwa kewirausahaan (entrepreneurship) i bas bidang bangsa ras negara bage kepedulian nandangi kesehatan ras lingkungen" maka "m gaora.,,, ras jejaring sosial" antar "pribadi", "kelompok'', ban embangun pe gereja.

EVALUASI :
Cuba sisaksiken adi kita enggo ndatken pelayanen erkiteken pernah ersukuten kempak praktek-praktek okultisme.
 
DISKUSI :
  1. Uga nge makeken alat komunikasi paksa enda alu pentar ras mehuli?
  2. Turiken kai saja gunana "jejaring sosial" guna kemajun usaha ntah pendahinta.
AKSI :
Sipakekenlah media sosial guna ngirimken ayat-ayat Pustaka, renungen bagepe kata-kata penjemba (motivasi).

USULEN LAGU-LAGU
1. KEE GBKP No. 209 : 1,3  ( KLIK JUDUL UNTUK MELIHAT LIRIK )
2. KEE GBKP No. 255 : 2,3  ( KLIK JUDUL UNTUK MELIHAT LIRIK )
3. KEE GBKP No. 281 : 1-3  ( KLIK JUDUL UNTUK MELIHAT LIRIK )
4. KEE GBKP No. 296 : 1-4  ( KLIK JUDUL UNTUK MELIHAT LIRIK )

TOPIK PERTOTON SYAFAAT :
  1. Notoken segelah perpulungen ngasup makeken Jejaring sosial (Facebook, Twitter, BBM, Line, WhatsApp ras sidebanna) alu bijak ras positif. 
  2. Siturah i bas perpulungen.

Pdt. Sabar S. Brahmana, S.Th., MA


0 Response to "Ersada Desken Tinali Siipiu Telu ( Entrepreneurship: Kerjasama / Mbangun Jaringen IT Ras Online ) - Bahan PJJ 29 September - 5 Oktober 2019"

Post a Comment

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel