Penebusan Kristus Maba Kinulin Man Lingkungen - Pelestarian Lingkungan Secara Fisik / Alami ( Bahan PA Mamre 28 Juli - 3 Agustus 2019 )


Bahan Bimbingen PA Mamre 28 Juli - 3 Agustus 2019
Pelestarian Lingkungan Secara Fisik / Alami

Ogen : Kolose 1 : 15 - 23
Kerna Kristus ras pendahinNa
15. Dibata la teridah, Kristus nge rupa Dibata si teridah. IA lit ope denga ijadiken kerina si nasa lit.
16. Sabap arah IA Dibata njadiken kerina si nasa lit subuk i Surga bage pe i doni, barang si teridah bage pe barang si la teridah, ikut pe kerina kesah si erkuasa ras merentah. Kerina si nasa lit ijadiken Dibata arah Kristus guna Kristus.
17. Leben nge Kristus lit asangken kerinana, janah i bas persadan ras IA kerina si nasa lit e ndatken inganna si payo.
18. IA me takal kulaNa, e me kepala Gereja. IA me ulu kegeluhen kulaNa. IA me si tangtangna ipekeke Dibata i bas si mate nari gelah IA ngenca banci ngaloken ingan si mehergana i bas kai pe.
19. Arah peraten Dibata i bas diri AnakNa ringan alu serta si lit i bas diri Dibata.
20. Arah IA me pe itetapken Dibata ndameken kerina si nasa lit ras DiriNa. Dibata mereken perdamen arah kematen AnakNa i kayu persilang, gelah kerina si nasa lit, subuk i doni bage pe i Surga mulihken man baNa.
21. I bas sada paksa nai, sirang kam ras Dibata. Kam jadi imbangNa erkiteken perbahanen ras perukurenndu si jahat.
22. Tapi genduari, erkiteken kematen kula AnakNa, iperdameken Dibata kam ras DiriNa, gelah kam badia, bersih dingen la erpandangen i adep-adepenNa.
23. Erkiteken si e patut kam tetap patuh i bas palas si nteguh, janah ola pulahi pengarapen si enggo idatndu asum tangtangna nai ibegindu Berita Si Meriah i bas Dibata nari e. Sabap Berita Si Meriah i bas Dibata nari enggo mbar ku belang-belang doni enda. E me sabapna maka aku, Paulus enggo jadi sekalak si erdahin.
Tema : "Penebusen Kristus Maba Kiniulin Man Lingkungen"

T u j u n : Gelah Mamre
  1. Meteh kerna sura-sura Dibata nandangi lingkungen
  2. Nggejap maka Mamre si enggo itebusi ikut ertanggungjabab ras si njaga kelestarian alam 
Metode PA : Metode Topikal

KATA PENARUH
I bas buku Pokok-pokok Iman GBKP (Konfesi) Bab III isuratken me kerna "Ciptaan" Dibata, bagenda nina : Kami percaya, bahwa :
Ciptaan Allah, yaitu alam semesta: langit dan bumi dan segala isinya, baik yang kelihatan maupun yang tidak kelihatan ( Kej. 1-2; Maz. 24:1-2; 89:12 ; jes. 27:5; Kol. 1:16). Segenap ciptaan itu sungguh amat baik ( Kej. 1:31 ) dan kewibawaan AIlah hadir dari permulaan hingga akhir dalam memerintah, memelihara dan menuntun segenap ciptaanNya dalam kasih setia dan keadilan (Maz. 145:9; 146:6)
Ciptaan Allah merupakan satu kesatuan yang utuh, yang dipercayakan kepada manusia yang adalah mitra Allah untuk menguasai: mengusahai, memelihara dan mengelola dalam menjaga keutuhan ciptaan ( Kej. 1:28; Kej. 2:15) .
Ciptaan tidak boleh menggantikan posisi Allah: tidak boleh diperillah, disembah dan mendominasi manusia.

Janah, i bas bagin penjelasenna ikataken bahwa "Allah Sang Pencipta alam semesta juga adalah Allah yang memelihara alam ini, maksudNya : IA menghindarkan alam ini dari tenaga-tenaga yang akan merusaknya. Maka dari itu Allah memakai manusia sebagai tenaga-tenaga pemelihara yang bertanggungjawab pada alam semesta ini seperti yang tertulis dalam Maz. 104:30. Joh. 5:17; Ibrani 1:3). 
Alu bage, oratna min maka kerina tinepaNa e muji Dibata ( bdk. Maz. 145:10 ). Kam, aku, kita kerina, apai pe la erndobahen arus min meteh sura-sura ntah pe maksud Dibata guna njagai alam lingkungenta. Tapi, kinata si terjadi i bas kegeluhenta petembil kap ras Kata Dibata e erkiteken manusia enggo makeken bekas tinepaNa alu la ertanggungjabab. Banci saja memang kita makeken bekas tinepa Dibata e guna keperlunta ka tapi kurang siperdiateken kerina hal isekelewetna guna njagai kiniulin tinepa Dibata e. Enggo seh me bagi si ikataken i bas Pengerana 7:29, nina : "Enda ngenca si kudat: Itepa Dibata manusia jadi kalak bujur tapi kita jine mahanca banta serbut dingen rilet-ilet". 

I bas cedana lingkungen sebagai bagian i bas bekas tinepa Dibata tentuna kita selaku manusia rutang guna mpekena-kenasa. I bas palas pusuh si rutang man Dibata bage pe man bangsa ras Negara nta enda, ipersingeti man banta erpalasken surat Paulus man perpulungen Epesus, nina : "Tinepa Dibata kap kita; i bas persadanta ras Kristus Jesus, ijadikenNa kita guna ndahiken dahin-dahin si mehuli si enggo leben irencanakenNa, gelah sidahiken e." ( 2:10 ). 

URAIAN TEKS / TAFSIRAN
Kolose e me sada Kota i daerah Asia Kecil janah la ndauhsa arah Laodikia si berkembang reh mehumurna bage pe jadi daerah si penting paksa si e. I bas abad sipemena e, nterem kalak Jahudi tading ije janah kalak Jahudi pe ngenanami kebayaken nggeluh bali ras kalak Laodikia. Perdagangen wol paksa sie pe maju janah si penting ka tole, i daerah e masyarakatna nggeluh i bas toleransi si mehuli dingen mbue pe terjadi perjabun campuran antara kalak jahudi bage pe ras si la Jahudi. Tapi, i bas masa Paulus Kolose enda enggo ndauh merosot gia pe Kolose e sada kota si cukup mbelin. Mbelin kemungkinen bahwa kemerosotan Kolose e erkiteken nterem kalak Kolose si enggo ncampur-campurken kegeluhen kinitekenna ras pengajaren filsafat, ija rikutken Surat Paulus enda pe teridah kal ajarenna si nggeluh i bas perpulungen, misalna bagi si tersurat i bas Kolose 2 : 18, 20 - 23. I bas keadaan sie, salah sada persinget Paulus erpalasken suratna e me ngingetken kalak Kristen, bahwa : ✓ Ayat 15 - 17 :
Rikutken bagin enda isuratken Paulus me kerna hubungen tinepa e ras Kristus. Kerina si nasa lit ntah pe kerina si itepa Dibata subuk i Surga bage pe i doni, Dibata kap njadikenca arah Kristus ras guna Kristus. Arah Kristus ( oleh Dia ) menekankan bahwa Kristus e me perantara dalam ciptaan. Bage pe guna Kristus ( untuk Dia ) ertina e me Kristus e jadi tujun arah kerina tinepaNa. Benana nari seh ku kedungenna kerina tinepa e selket kal hubungenna ras Kristus. Si enda nuduhkenca kuga Paulus ncibalken diri Kristus e sebagai hal si penting kal i bas kegeluhen kiniteken. Kristus me selaku bagin si mpersadaken ras menghubungken kerina tinepa Dibata e ( bdk. Heber 1:3 )
✓ Ayat 18 - 19 :
I bas bagin enda isuratken Paulus kerna hubungen Kristus ras gereja, ija Kristus me "takal kulaNa, e me kepala Gereja". Kerina tinepa e arus kap ncibalken Kristus e selaku takal ntah pe kepala na sebab i bas Kristus serta si lit i bas diri Dibata,
✓ Ayat 20 - 23 :
I bas bagin enda isuratken Paulus bahwa si mperdameken kerina tinepaNa bage pe gerejaNa rikut ras Dibata e eme Kristus arah kematenNa i Kayu Persilang. Penebusen Kristus e mabai kiniulin man kerina tinepaNa, Kai si inanami Kristus e tujunna e me selaku korban bas sura-sura Dibata lako ndameken kerinana. Alu bage lanai lit kelang-kelang antara tinepa ras Dibata. Janah, i bas sie si ilakoken kalak si erkiniteken e me : nggeluh badia, bersih dingen la erpandangen.

APLIKASI 
❖ Sura-sura Dibata nandangi lingkungen ntah pe alam semesta selaku bekas tinepaNa e eme tetap terjalin sada hubungen si mehuli, hubungen si saling mereken keuntungen dingen arah sie kerina pe tetap erbahan terpuji gelar Tuhan. La kita muat keuntungen sendiri alu la mperdiateken tujun itepa Dibata kerina sinasa lit e. Kalak si erkiniteken man Kristus ncibalken Kristus selaku si njemba ia i bas nggeluhken kegeluhen si ngena ateNa. Kristus e selaku Takal ntah pe Kepala kegeluhenna.
❖ Selaku Mamre si enggo itebusi arah kematen Kristus e, maka kita ikut ertanggungjabab ras njaga kelestarian alam tinepaNa. Kita icibalken Dibata i bas doni enda e me lako njagai dingen mpekena-kenasa. Dikune i bas kita njagai ras mpekena-kenasa e ibereken Dibata pasu-pasuNa guna kebutuhen kegeluhenta tentu si puji Tuhan. Tetap kita erlajar kerna pengalamen nggeluh kalak Kolose, ija erkiteken kinilangasupenna nggeluh sue ras si ngena ate Tuhan maka kedungenna kerina kiniulin dingen pasu-pasu Tuhan lanai lit i bas dirina.

DISKUSI PA MODEL TOPIKAL / TEMATIK
I bas diskusi PA Mamre sekali enda lit piga-piga hal si perlu si pepayo ras-ras. Dikune ibagi i bas 2 ntah 3 kelompok pe mehuli tapi bicara lang pe labo dalih.
1. ) Daftarken kata-kata si lit hubungenna ras seputar toik
Topikta : "Penebusen Kristus Maba Kiniulin Man Lingkungen"

Kata-kata si lit hubungenna ras topic PA si lit tersurat i bas ogenta : Kolose 1 : 15 - 23 eme :
a) Kristus
b) ........................................................
c) ........................................................
d) ........................................................
2) Membuat aplikasi I bas bagin enda seh kita ku bas perenungenta pribadi lepas pribadi ntah pe sekalak-sekalak kerna pengkenai PA enda ku bas kegeluhenta. Cukup alu sada kalimat gendek saja.

USULEN.ENDE-ENDEN
  1. KEE GBKP No. 33:1     
  2. KEE GBKP No. 194:1-3
  3. KEE GBKP No. 204:1,5
  4. KEE GBKP No. 471:1-3

KEPUSTAKAAN 
  1. Alkitab Penuntun Hidup Berkelimpahan, ( The Full Life Study Bible ), LAI Jakarta, 2005
  2. Alkitab Edisi Study, LAI Jakarta, 2010
  3. Ensiklopedi Alkitab Masa Kini M - Z, YKBK/OMF, Jakarta, 1997
  4. Merril C. Tenney, Survei Perjanjian Baru, Penerbit Gandum Mas, Malang 2006
  5. Pokok-pokok Iman GBKP ( Konfesi ), Moderamen GBKP, Kabanjahe, 2016
  6. W.R.F. Browning, Kamus Alkitab, PT BPK Gunung Mulia, Jakarta, 2013
  7. Tafsiran Alkitab Masa Kini 3, YKBK/OMF, Jakarta, 2006

Pdt. Agustinus Ginting Manik, M.Th
GBKP Rg. Polonia Medan
JI. R.W. Mongonsidi No. 53 Medan


0 Response to "Penebusan Kristus Maba Kinulin Man Lingkungen - Pelestarian Lingkungan Secara Fisik / Alami ( Bahan PA Mamre 28 Juli - 3 Agustus 2019 )"

Post a Comment

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel